اتمنى ان تعجبكم هذه القصيده .. واذا امكن مناقشتها ..
صه يا شعر جرحي نزف من نواحيه = صه لي سنه متعب خفوقي خساره
ذاك الحبيب اللي رحل مع طواريه = ليته هجر قلبي قبل مد عصاره
والحين جرحي سلسبيل دْم تاليه = يحرق حياتي مع امالي بناره
مبطي وانا ساكت مداري هقاويه = ليتني عفته قبل عد جماره
ياراسم ٍ سالم بقمّة تساليه = ياكاتبٍ فكره وكاشف ستاره
يا ود ابو فارس وبقعة ضواحيه = يا خافق ٍ والف رجل من صقاره
جعّــل تقاسمني جرح في بلاويه = دامك تقاسمني غلا في عباره
لانك خوي تفزع لخوّة مباديه = منّي ومنّك فزعتك من شطاره
ماطاح قلبي لا .. ولا طاح غاليه = بس فاض جرح ٍ بالدمّ من مراره
صبر(ن) جميل(ن) يا شعر من شقاويه = هذا جرح غالي يبي انتصاره
وش ما بقى حتى وريدي يلاقيه = هذا ترك قلبي وقلبي اماره
احترامي وتقديري :)
