اخواني واخواتي الاعزاء
السلام عليكم ورحمة الله وبركاته
اقدم لكم قصيدة قديمة على بحر الرمل وارجو ان تنال استحسانكم
لاتســـــــــــــــــــــــــافر
يعرف الخفاق منّك وش يريـده
في جواري كنت أو دنيا بعيـده
لا تـقـول انـّـك مـسـافـر
شــدّ لــي بالله خـاطــر
يــوم مــا تبـعـد تهاجر
ماتـسـع هـمّـي الدفـاتـر
ماتسع همي ولو أكتب جريـدة
ما تسع همي انا بدونك شريـده
آآه مــن كـثـر الـمـواجـع
طيـري المـحـزون سـاجـع
طرفه الـبـاكـي يـطـالـع
مايـبـي يشـوفـك تــوادع
مايسع همه انا بهمـه غريقـه
ما يبي بعدك ولا يمكـن أطيقـه
قلبي اللي مابعـد ابْتـل ّريقـه
ينصهر باشواقه وْصاير حريقه
من عذابك رحمتة(ن) بي ياحبيـب
لحظة (ن) يانـور عينـي ماتغيـب
كيـف تبعـد ؟ ماااأسامـح
والألـم فـي الوجـد طـافـح
والهجر للقـلـب جــارح
آه لــو امـلـك جـوانــح
كنت احلق من صباحي للغروب
يادوى روحي وماغيـرك طبيـب
كنت تلقاني على بابـك الـوب
من طلوع الشمس لي حدالمغيب
وسلامتكم
