العروض رقمـيّـاً

العروض رقمـيّـاً (http://www.arood.com/vb/index.php)
-   منتدى الشعر (http://www.arood.com/vb/forumdisplay.php?f=103)
-   -   إهداء لمن أفادوني وزادوني علما - نقبل النقد والتصحيح (http://www.arood.com/vb/showthread.php?t=5780)

منصور التهامي 01-23-2014 06:15 AM

إهداء لمن أفادوني وزادوني علما - نقبل النقد والتصحيح
 
وجودي وجد عود(ن) كــان ينصح في الخطا مادام
يدافع عن خصيمة لا تراوى له خطا صابه

وجودي وجد متكفل ومتحزم مع الايام
محب الخير ومسامح وناس(ن) تحقر اسبابه

ترى المضيوم يا عمري يعاني طعنة الالام
يعانيها تلوي به وتخفي كامل اعرابه

وتعطيه الدوافع لين يرد العلم ماينلام
يدور للضماد اللي يشافي شبة احطابه

تحكم بالوقايع لا ترجح عاطفة مقدام
ترى سود النوايا تحتري زلتك طلابه

توقع من خفى الايام واسال زلتك في العام
وحاورها وخذ شفك ترى الايام جلابة

يجوز تكون عزة نفس يقلل قدرها سوام
وبكسر شوكة العزة وسط عذال غلابه

يجوز تروح ليلة أمس ولكن دمعها همّام
يجوز الجرح ما يبرى ولكن الدهر شابه

فلا تابه لمن قالوا وكشر نابها بالسام
فلو طالت سموم الناب فانت السم شرابه

كثير من البشر ينسى بانه قد فطر من صام
كثير من البشر قفل عن الغفران بوابه

ولكن الاله الواحد الحي الصمد دوّام
برحمته الوسيعه يغفر لعصيان توابه

تخاف من القوادم وانت يومك ماهو بقدام
فعش يومك ولا تبني أمل للغد ماجابه

ولا تيأس طموحاتك فتقلب واقعك احلام
ترى الاعراض موجوده ولكن منهو يجابه

ولابد انه يصيبك هموم تسهر النيام
و شي عادي يصيبك من ضروف الدهر وانيابه

من تهيب صعود الشم ماعمره صعد أو قام
ومن يبكي على ميت بينسى حزة غيابه

منصور التهامي 01-23-2014 07:35 PM

للرفع يا أسياد

ناديه حسين 01-24-2014 11:58 AM

حياك الله يالشاعر محمد

صح لسانك قصيدة جميله معنى ومبنى

يعطيك ربي العافيه

وشكرا على الاهداء الرائع لاعدمناك

ودمت بخير


الساعة الآن 04:47 PM.

Powered by vBulletin® Version 3.8.4, Copyright ©2000 - 2019, TranZ By Almuhajir
F.T.G.Y 3.0 BY: D-sAb.NeT © 2011

vEhdaa 1.1 by NLP ©2009