طار عصفوري وقلبي ما يطير
يا نسيم الشوق وينك
تاخذ القلب الذي عقبه كسير
لا تضيق اليوم عينك
طاح من ديمه مطر
طاح دمعي وانهمر
طاح كلي يالهوى
وين دربك يالقمر
كل امالي واحلام السنين
والمشاعر لي بكت
والمدامع والهوى حتى الحنين
راحت الـ يمك شكت
راحت ايام الصفا
هاجر القلب وجفا
صوته الدافي يغيب
وش بعد عني خفا
ماتت اشواقي وذبلت بي زهور
وصار قلبي في خطر
ما هقيته يوم ينبض بالسرور
لا ولا يحضن قمر
الوفى أضحى غريب
والخيانه ما تريب
في زمانه كم شقى
قلب ما يلقى حبيب
مسرح احلامه يداعبه السكون
واسدل استار الهوى
في حكاياته تواليها تخون
كل عيون اللي هوى
كل عناوينه عسى
كل رواياته قسى
بالسعادة تبتدي
والنهاية بالأسى
عهد ما يومن أوريه الغرام
قلب بالوحده رضي
وان تبدّا له قناديل الهيام
اشعل حروفن تضي
تحجب انوار الخيال
كلها اضحت محال
امتلى حرفي وفى
من صميم القلب سال
:وح3::وح:1
