بسم الله الرحمن الرحيم
اخواتي واخواني الاعزاء
اسعد الله اوقاتكم بكل خير
بحر الهزج
وارقامه
3 4 3 4
لكلا الشطرين
ومثل كل البحور له صور عديده
1/هزج ثنائي
مثال
حماماً شاقني فنّه
.......................وانا اطرب كل ماغنّا
2/ هزج ثلاثي
مساء الخير والأحساس والطيبة
............. .......مساء مايليق ألا بأحبابي
3/ هزج رباعي
ويسمى الشيباني
ومين يحاسب الـورده اذا تنبـت بـوادي خصـب
ومين يعاتب الورده اذا تنثر شذاها عطور ؟!!!!!!
ومين يشك فـي القـدره؟ !و هـذي قدرتـك يـارب
ابتعلّى علـى الحاسـد واقولـه :حـرّ يامقهـور
ومن اهازيجي
هزج رباعي او شيباني
نسيت الحب وسنينه وقررت ابعد وانساك
جبرني غدرك اتغيّر واعاند واقهر عيونك
ولو مالخوف من ربي أجاهر بعْدواتحدّاك
تشوف اللهد بعيونك وقدّامك انا اخونك
تغير حبي الماضي وخلّك مثل منت هناك
وكابر بعد واغدرني تراني باالجفا عونك
بقدم لك شراب الهم خذ كاسك ومد يمناك
بساعدك بطريق الهجْر لانّي اكره مْجونك
نهايتنا بدت من امس ماعدت ارتجف اهواك
رحلت بشري وخيري عند احباب يسونك
تألم بس على نفسك انا ماتهمني فرقاك
واذا جاك الوله ابحث عن اشكالك يداونك
تعلق قد ماتقدر بوحده مثلك وتبغاك
ويمكن تسعد ايامك وتمسح دمعة عيونك
ويمكن ترضى بأشكالك تخلصّني ولا القاك
ورد ّ لأهْلي وْناسي واغني وارقص بدونك
وسلامتكم
تمادى اكثر واكثر
وعذّب
قد ّماتقدر
تمادى
واكسر الخاطر
تبي تْهاجر بعد
هاجر
تناسا ذكريات الامس
واحذفني من الحاضر
وإحرق رقمي والاشعار
ولاتترك ولاتذكار
ويالله كمّل الباقي
وموّتني اذا تقدر
وسلامتكم
مع تحياتي
اختكم
نادية حسين
