العروض رقمـيّـاً

العروض رقمـيّـاً (http://www.arood.com/vb/index.php)
-   صفحات المشاركين - النبطي والشعبي (http://www.arood.com/vb/forumdisplay.php?f=126)
-   -   المتقارب وشعراء العاميه المصرية احمد فؤاد نجم عشان انت مصرى (http://www.arood.com/vb/showthread.php?t=8127)

أحمد فرج 10-14-2018 05:17 AM

المتقارب وشعراء العاميه المصرية احمد فؤاد نجم عشان انت مصرى
 
مما لا شك فيه رغم سهوله هذا البحر الا انه ان رتب بطريقه جيده كما فعل احمد فؤاد نجم
سيكون شعر ساخر او مايسمى حلمنتيشى

يا شعبي حبيبي يا روحي يا حبيبي ياحاطك في جيبي يابن الحلال
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبي ياللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضد تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغل لي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك وأذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
ولكم ان تشاركونى فى التقطيع ان اردتم وهذا تقطيعى لاول بيتين
يشع3 بى 2 حبي3 بى 2 يرو3حى 2 يحط3 طك2 فجي3 بى 2 ويب3 نل2 حلا3 ل ه
يشع3 بى 2 يشا3 طر2 يجا3 بر2 خوا3 طر2 وصا3 بر 2 وعا3 ل ه
مما لا شك فيه انى على درايه بانى لم اقطع كلمة ياحبيبى ووضعت حرف الواو قبل يا ابن الحلال لان حينما سمعتها اتضح انه خطا مطبعى وهو لم يقولها وكان يقول
ياشعبى حبيبى وياروحى ويا حاطك فى جيبى ويا بن الحلال
وولكم ان تشاركونى التقطيع وخاصة استاذى ومعلمى استاذ محمد الخبيش


الساعة الآن 07:29 PM.

Powered by vBulletin® Version 3.8.4, Copyright ©2000 - 2018, TranZ By Almuhajir
F.T.G.Y 3.0 BY: D-sAb.NeT © 2011

vEhdaa 1.1 by NLP ©2009