رباعيات

يابحر قول للسمك بلاش يخافمنى
أوعاه فاكرنى شبك صياد ومستنى
ولأنى لسه صغار والهم قاتلنى
خليه عشانى يقب , م الحزن ياخدنى



محموم أنا والحمة مش ف البدن
أنا قلبى هوه اللى ءالتهب لما افتن
شوف ياطبيب الحل ايه فين الدوا
الحل مش ف ءايديا أنا الحل دا هوه الزمن



مال الشجر للشجر والفرح منهم فاح
كان الشجر فرحان طرح الثمر تفاح
الحب لاممهم والعمر بينهم طال
بس البنى أدم بالبلطة ليهم راح



راح الجسد يشتكى من قلبى أنا الحنون
ف الصبر ما له مثل ف الحب كان مجنون
كانت محاكمة أذى والحكم كان مكتوب
سيبوا القلوب كلهم خلوه كده مسجون



ياليل حبيبى من زمن
سايبنى والقلب افتتن
اامتى الزمان يقبل يعود
والقلب يرجع للبدن