(مشكله لاصرت لعيوني النظر)
وانت حارمها وحارمني المنام
مشكله لا صرت لي كلّ العمر
ثم تجافيني ولاتْرد الســـــلام
لارسايل في البريـــد وْلا خـبـر
كنّك مْسافر إلى دنيـــا العدام
وكن ّمالي حس ّ أو قلبي حجر
كنّ ماني معْك في دنيا الغرام
كني بْوقتك سويْعه من عصر
راحت بْلحظه مع حْلول الظلام
ياحسافه والعمر لحظه تمــــــر
عشتها ويّاك في هجْر وْخصام
ماسهرنا الليل مع ضو القمر
ماتجاذبنا الاحاديث بْوئـــــام
إيه يالمحروم ماعندك نظـــــر
إيه يالمحروم صابك انفصــام
الشهر عندي غدى ويله دهر
والشهر عندك غدى في الانعدام
كن ماني لك حليله تنتظـــــر
كني بْوقتك حكايه والسـلام
الخطا عندي غدى ماله عذر
والخطا عندك غدى مثله تمام
إحرق الماضي ومعه كل الصور
إحرق الماضي وتوارى في العتام
لاغرام ولا حنان ولا مهــــر
يقدر يْردْني على صدرك أنــــام
مشكله وْزالت عن القلب الخضر
والنهـايه جت سلامٍ بإحتــــــرام
بصدح بْصوتي على لحن الوتر
يرقص المعنى على قافي حمام
لامشاكل لا انْتظـــار ولا قهر
غير أفراح وسعاده وانسجام
منت لعيوني النظر منت العمر
صرت في عمري حكايه والسلام
وسلامتك :وب:
هذا ماجادت به القريحة
ودمت متميزة
