بسم الله الرحمن الرحيم
متواضعتي أضعها بين أيديكمعلّها أن ترتقي إلى ذائقتكم العالية .
قَطْرَةْ مطَر وقت العـــــــــــــصِر=دمعي انْهَمَر تحت الشّجَر
في موعِدَهْ كنت انْتِظِــــــــــــــــر=واقِف ووضعِي في خطَر
ملّ الصبر ، راح الصّبِــــــــــــر=راح العصِر ماله أثَـــــر
والقلب فيني يعتصِــــــــــــــــــر=في داخِلي خوفُ وْقَهَـــر
إشْويّ باقي وانغمِــــــــــــــــــر=دمع ومطر دمع ومطَــر
أنفاس قلبي تحْتِضِــــــــــــــــــر=حولي حُفَر صارت جُفَر
أبنْتِحـــــــــــــــر أبنْتِحِــــــــــــر=لون الشّفق لون الغجَر
والوقت كذّابُ وْأشِــــــــــــــــر=وصويحبي لا ما حظَـــر
أحسّ بالخافق جَــــــــــــــــمِر=خدّه حَمَر ثغره حـــــــمَر
في شفّته طعم الخـــــــــــــمِر=غطّى على العقل وخمَر
ستُ وْعَشِر تِسْعُ وْعَشِــــــــر=دمعي غدا حولي نَهَــــر
جفّ المطر وانا انتظِــــــــــــر=مدري دقايق أو شهَـــر
أبصطبِر أبصطــــــــــــــــــــبِر=محدن صبر إلا وظَفَر
ماحكّ جلدك كالظـــــــــــــــفِر=والخاين اللي ما عَبَر
فوق الجسِر فوق الجِسِــــــر=خايف حبيبي ما جِسَر
امْن القهَر ابنصهِـــــــــــــــــر=يا قلب يمكنّه قِـــــــــدَر
وين العِذر وين العـــــــــــــذِر؟!=من خاطِري مالك مفَـر
إن كان قصدك تختِبِـــــــــــــر=كلّك نظر كلّك نظَــــــــر
يكفي خيالك والعِطِـــــــــــــــر=لو صار ميعادك دَهَــــر
تكفي طيوفك والشّعِـــــــــــــر=تكفي خُصَيلات الشّعَر
ما بدّلك مالك سِعِـــــــــــــــــر= لو خافقي منك استعَر
بنْشوف منهو المنتصِــــــر؟!=قلب العنا وإلا القـــــهَر
كنّك عمل كنّك سِــــــــــــحِر=تخطف منامي بالسَّحَر
أرفق بحال المنْكَسِـــــــــــر=منتب بشر منتب بشَر
وسلامتكم
شُكراً لكلّ من سيمرّ ويعقّب إن بالنَّظر أو بالحبِر
تحيتي لكم . :icon83:
