السلام عليكم
العروضيين في النبطي قصيدة البتول على أي بحر
أتمنى نقطع سويا و إن كنت لم أبدأ دورات النبطي
لكن التفعيلة هنا مختلفة
كل أرض تشيلك ياثقيل الحمول .. وكل وقت كريم بالرضا والزعل
وين مارحت تلقى لك حبيب وعذول .. وين ماكنت تلقى مثل ياسك أمل
وين ماكنت تلقى مثل ياسك أمل .. مثل ياسك أمل
ياطريق الترجي والوله والنحول .. والله إني مشيتك لين حد الثمل
لاتظن المسافر من يسوق الرحول .. من وقف دون حلمه عاجز مارحل
من وقف دون حلمه .. عاجز مارحل
..
وما لمخلوق منجا في الحذر والجفول .. ماتصيب السهام ولا يطيش الأجل
الليالي خوات مير منهي البتول .. والحوادث عشاير مير وين الفحل
والحوادث عشاير .. مير وين الفحل .. مير مير وين الفحل
اتذكر في عين الشمس طفل خجول .. شالته في هدبها وقت لين اشتعل
أعجب الناس وهجه بالجدل والفضول .. مادروا عن جمال الجرح لين إندمل
مادروا عن جمال .. الجرح لين إندمل
..
إن لثمت الزهور وصاحبتني الحقول .. ماهقيت إن صافي الشهد عيب النحل
إن تعبنا نحب ولا لقينا قبول .. ماتسر الأماني ولا يفيد العذل
ماتسر الأماني .. ولا يفيد العذل .. ولا لا يفيد العذل
مابقى في ضلوعي كود ريح معمول .. وثوب شاش عليه من الندامه وحل
لكن .. الله كريم وكل هم يزول .. ماعلى الله بعيد .. ولو جفاك المحل
ماعلى الله بعيد .. ولو جفاك المحل
كل أرضٍ تشيلك ياثقيل الحمول .. وكل وقتٍ كريمٍ بالرضا والزعل
بدر بن عبدالمحسن
البيت الأول
كل أرض تشيلك ياثقيل الحمول .. وكل وقت كريم بالرضا والزعل
الصدر= كل٢ أر٢ ضن ٢تشي٣ لك٢ ي٢ا ثقي٣ لل٢ حمو٣ ل ه
العجز = و١ كل٢ وق٢ تن٢ كري٣ من بر٢ رضا٣ وز٢ زعل٣
