طراطيش الم

طراطيش الم فوق الاسفلت اللى ماشى عليه
مسكت فيا
والالم شبيط بيمسك الجسم مايسبهوش
ميلت قلبى ع الرياح
احدف وارتاح
واملى وافضى
بذور الشبيط زادت خصوبتها ف قلبى
لاقادر احرقة
ولا عارف اعمل له ايه
:وب:
انا خدت كفوى م الشمتانين شماتة
ودلقت قلبى ع الطريق حتت
ووجعت نفسى كدب وزيف
وفردتها ع الطرقات
ملمهاش غير عجل العربيات الماشية
حتى اللى كانو عاملين احباب
غسلو ايدهم ف دمى
اتخانقو على جمجمتى
مين ياخدها يشرب الويسكى فيها

:وب:
طاقة الامل المفتوحة اودامى
جنب الشمس بحتة
وطوفان م الحزن مغلفها
ياما اروح لها
تحرقنى الشمس
ياما امشى وافتها
:وب:

موجوعة ليه عليا ياما
مانتى اللى فردتى طريقى قزاز وشوك
وانتِ اللى مديتى مشرطتك
وخلعتى قلبى
ومديتى ايدك ونهشتى كبدى
واما كفنتينى بالضلمة
ودفنتينى ف اليل يدارينى
طلع الصبح ينشر فضيحتك ع الملاء
:وب:
سمايا مافيهاش ولا بذرة مطر
ولا راضية تحبل بالغيوم
الشمس فيها اتون
ارضى محرقة
ومبرقالى بحدة
ماقدميش اختيار لعالم تانى
دا اقصى ماتقدر ترسم فرشتى
:وب:

مضمون وتعبير راقيان



مما أتبين وزنه بوضوح قولك

ميلت قلبى ع الرياح

ميْ يلْ تقلْ بي عر ريا حْ = 2 2 3 2 2 3 ه = 4 3 4 3 ه

طلع الصبح ينشر فضيحتك ع الملاء

طلْ عصْ صبح ين شرْ فضحْ تك علْ ملأ = 2 2 3 2 2 3 2 2 3 = 4 3 4 3 4 3

تفعيلة الرجز أو الكامل

ولم يستقم هذا الوزن معي في بعض الأبيات فلعلها اللهجة

نتظر رأي أساذتنا الأمير صلاح ود. هناء ود. إبراهيم ابو زيد ود. سيد علام ود. الأصمعي
عروضيون وشعراء وأطباء وبياطره من مصر حماها الله.

ورحم الله أستاذنا الكبير د. أحمد مستجير .


وارجو ممن يجد خروجا على الوزن أن يقترح تعديل النص ليتوافق مع الوزن لنستفيد جميعا

كما تبين لي إيقاع الخبب

طاقة الامل المفتوحة اودامى
طق تل ( أمَ ) للْ مف (تُحَ) ادْ دا مي = 2 2 (2) 2 2 (2) 2 2 2
جنب الشمس بحتة
وطوفان م الحزن مغلفها

الدكتور الشاعر فوزي ابو دنيا ،

في انتظار ما ترسمه فرشاتك من جمال و فنّ و أغاني ،

أجدد الترحيب بك ،

و أتمنى أن تجد في المنتدى ما يسرّك .

:ز ز: